منتخب مواد
ٹیگ
اپنی دلچسپی کے موضوع تلاش کریں اور ان سے متعلق مواد کیلئے انسائیکلوپیڈیا میں ریسرچ کریں
تمام شناختی کارڈ
ہولوکاسٹ کے دوران ذاتی تجربات کے بارے میں مزید جاننے کیلئے شناختی کارڈ تلاش کریں
طلبا کے لئے تعلیمی ویب سائٹ
موضوعات کے مطابق ترتیب دیا گیا اس معلوماتی ویب سائیٹ میں تاریخی تصاویر، نقشوں، نمونوں، دستاویزات اور شہادت پر مبنی کلپس کے ذریعے ہولوکاسٹ کی عمومی صورت حال پیش کی گئی ہے۔
خاکے
تصاویر دیکھئیے اور ان خاکوں کے ذریعے انسائیکلوپیڈیا کا مواد تلاش کیجئیے
ضرور پڑھیں
:
جرمنی کی شکست کے بعد، اتحادی طاقتوں نے تیسری جرمن مملکت کے کلیدی ریاستی اور جماعتی اہلکاروں اور فوجی کمانڈروں پر سوویت یونین، برطانیہ، فرانس اور امریکہ سے تعلق رکھنے والے فوجی ججوں کی عدالت کے قیام سے قبل مقدمہ چلایا۔ اس بین الاقوامی فوجی عدالت نے 22 بڑے جنگی مجرموں پر مقدمہ چلایا جس کو عام طور پر نیورمبرگ عدالت کے نام سے جانا جاتا ہے جو نومبر 1945 سے اکتوبر 1946 تک چلتی رہی۔ اس فوٹیج میں ملزموں کو امن و سلامتی، جنگی جرائم اور انسانیت کے خلاف جرائم کے الزامات لگائے جانے کے بعد اپیل کرتے ہوئے دکھایا گیا ہے۔ ہجلمار شاخٹ، فرینز وون پیپن اور ہینز فرٹزشے کو عدالت نے بری کر دیا۔ ہرمین گوئرنگ، ولھیم کیٹل،جوواچم وون ربن ٹروپاور ارنسٹ کالٹن برنر سمیت مدعا علیہان میں سے 12 کو موت کی سزا دی گئی۔ دوسروں کو دس برس سے لیکر عمر قید تک کی سزائیں سنائی گئیں۔
ھرمین گوئرنگ جرمن فضائیہ کا سربراہ تھا۔ وہ 22 بڑے مجرموں میں سے ایک تھا جن پر نیورمبرگ کی بین الاقوامی فوجی عدالت میں مقدمہ چلایا۔ یہاں گوئرنگ اپنے 31 جولائی 1941 کے اُس حکم کے بارے میں گواہی دے رہا ہے جس میں اُس نے مملکت کے سلامتی سے متعلق صدر دفتر کے سربراہ رائن ھارڈ ھیڈرش کو اختیار دیا کہ وہ "یورپ میں یہودیوں کے مسئلے کو حل کرنے کیلئے" منصوبہ بندی کرے۔ عدالت نے گوئرنگ کو ہر طرح سے مجرم پایا اور اسکو موت کی سزا دی۔ لیکن گوئرنگ نے پھانسی سے کچھ ہی پہلے خود کشی کرلی۔
طبی مقدمہ ان 12 جنگی جرائم کے مقدموں میں سے ایک تھا جو نیورمبرگ عدالتی کارروائیوں کے ایک حصے کے طور پر امریکی عدالت میں پیش کیا گیا۔ یہ مقدمہ اُن ڈاکٹروں اور نرسوں پر چلایا گیا جنہوں نے جسمانی اور ذہنی طور پر معذور جرمنوں کو ہلاک کرنے کے اقدامات میں حصہ لیا تھا اور جنہوں نے حراستی کیمپوں میں قید افراد پر طبی تجربات کئے تھے۔ یہاں ماریہ کسمئرزک اور جیڈویگہ زیڈو، جو حراستی کیمپوں میں ان تجربات کا شکار ہوئی تھیں، شہادت کے طور پر عدالت کو اپنے زخم دکھا رہی ہیں۔
نیورمبرگ میں بین الاقوامی فوجی عدالت میں بڑے جنگی مجرموں کو سزا دینے کے بعد، ریاستہائے متحدہ امریکہ نے نیورمبرگ میں جنگی جرائم کے بہت سے مقدمے پیش کئے جنہیں نیورمبرگ کی اضافی کارروائیوں کا نام دیا گیا۔ نیورمبرگ میں امریکی فوجی عدالت میں نواں مقدمہ آئن سیٹزگروپن یعنی گشتی قاتل یونٹوں کے ارکان سے متعلق تھا جنہیں مشرقی محاذ کے پیچھے یہودیوں اور دوسرے افراد کو قتل کرنے پر معمور کیا گیا تھا۔ اِس فوٹیج میں امریکی وکیلِ استغاثہ بین فیرینز مقدمے کی کارروائی کے آغاز کے موقع پر مقدمے کے مقاصد بیان کر رہے ہیں۔
نیورمبرگ میں بین الاقوامی فوجی عدالت میں بڑے جنگی مجرموں کے مقدمے کے بعد امریکہ نے نیورمبرگ ہی میں دوسرے جنگی جرائم کے مقدموں کا سلسلہ شروع کیا جنہیں نیورمبرگ کی اضافی کارروائیوں سے موسوم کیا گیا۔ نیورمبرگ کی فوجی عدالت میں نواں مقدمہ آئن سیٹزگروپن یعنی گشتی قاتل یونٹوں سے متعلق تھا جنہیں مشرقی محاذ سے پیچھے یہودیوں اور دیگر افراد کو قتل کرنے پر معمور کیا گیا۔ استغاثہ کے ابتدائی بیان سے متعلق اس فوٹیج میں امریکی وکیلِ استغاثہ بین فیرینز جنگی جرائم اور انسانیت کے خلاف جرائم کے درمیان فرق کی وضاحت کر رہے ہیں۔ مقدمے کی کارروائی کے دوران فریرنز نے قتلِ عام کی مذمت کی۔
1930 کی دہائی میں ناروے میں وڈکن کوئس لنگ نے ایک نازی نواز پارٹی بنائی جسے فاشسٹ قومی یونین پارٹی کے نام سے جانا جاتا ہے۔ 1940 میں جب جرمنی نے ناروے پر حملہ کیا تو وڈ کن کوئس لنگ نے جرمنی کی حمایت میں حکومت کا تختہ اُلٹ دیا۔ وہ 1942 سے 1945 تک جرمن نواز حکومت کا سربراہ رہا۔ جرمنی کی خاطر ناروے سے غداری کی بنا پر اُس کا نام سازشیوں اور غداروں کیلئے جانا پہچانا نام بن کر رہ گیا۔ دوسری جنگ عظیم کے بعد ناروے کے حکام نے کوئس لنگ کو گرفتار کر کے اُس پر غداری کے الزام میں مقدمہ چلایا اور اُسے موت کی سزا ہو گئی۔
We would like to thank Crown Family Philanthropies and the Abe and Ida Cooper Foundation for supporting the ongoing work to create content and resources for the Holocaust Encyclopedia. View the list of all donors.