منتخب مواد
ٹیگ
اپنی دلچسپی کے موضوع تلاش کریں اور ان سے متعلق مواد کیلئے انسائیکلوپیڈیا میں ریسرچ کریں
تمام شناختی کارڈ
ہولوکاسٹ کے دوران ذاتی تجربات کے بارے میں مزید جاننے کیلئے شناختی کارڈ تلاش کریں
طلبا کے لئے تعلیمی ویب سائٹ
موضوعات کے مطابق ترتیب دیا گیا اس معلوماتی ویب سائیٹ میں تاریخی تصاویر، نقشوں، نمونوں، دستاویزات اور شہادت پر مبنی کلپس کے ذریعے ہولوکاسٹ کی عمومی صورت حال پیش کی گئی ہے۔
خاکے
تصاویر دیکھئیے اور ان خاکوں کے ذریعے انسائیکلوپیڈیا کا مواد تلاش کیجئیے
ضرور پڑھیں
:
اِس فوٹیج میں نازی وزیر برائے پروپیگنڈا اور عوامی تعلیم جوزف گوئبلز کو ستمبر 1935 میں نیورمبرگ میں نازی پارٹی کانگریس سے خطاب کرتے ہوئے دکھایا گیا ہے۔ گوئبلز جنونی حد تک یہود دشمن خیالات کا حامل تھا۔ اس تقریر میں اُس نے بورژوایت کو بین الاقوامی یہودیت سے منسلک کرتے ہوئے نازی پارٹی کے ارکان کو مغربی تیذیب کو تباہ کرنے سے متعلق ایک مبعینہ بین الاقوامی یہودی سازش کے بارے میں خبردار کیا۔ گوئبلز نے نازیوں کے ثقافتی اداروں کو یہودی اور نام نہاد "غیر جرمن" اثرات سے پاک کرنے میں کلیدی کردار ادا کیا۔
1933 میں نازی پارٹی کا لیڈر ایڈولف ہٹلر جرمنی کا چانسلر بن گیا اور اُس نے جلد ہی ملک کی کمزور جمہوریت کو ایک پارٹی کی مطلق العنان حکومت میں تبدیل کر دیا۔ پولیس نے ھزارون کی تعداد میں سیاسی مخالفین کو گرفتار کر لیا اور اُنہیں بغیر کسی مقدمے کے حراستی کیمپوں میں بند کر دیا۔ نازی حکومت نے ایسی نسلی پالیسیاں بھی نافذ کرنی شروع کر دیں جن کا مقصد جرمنی کی "آرین" آبادی کو "پاک کرنا" اور اسے مضبوط بنانا تھا۔ جرمنی کے پانچ لاکھ یہودیوں کو جرمنی میں زندگی کے تمامتر یہلوئوں سے الگ کر دینے کی مسلسل مہم شروع ہوئی۔ اگست 1936میں دو ہفتوں کے دوران برلن میں سرمائی اولمپک کھیلوں کی میزبانی کے دوران ایڈولف ہٹلر نے اپنی سام دشمنی اور وسعت پسندانہ ایجنڈے کو چھپائے رکھا۔ ان غیر ملکیوں کو دکھانے کیلئے جو کھیوں کی وجہ سے جرمنی میں موجود تھے، ہٹلر نے یہودی مخالفت سرگرمیوں میں قدرے نرمی کی اجازت دیدی (جن میں عوامی مقامات پر یہودیوں کے داخلے پر پابندی سے متعلق نشانات ہٹانا بھی شامل تھا)۔ یہ کھیل نازیوں کے پرالیگندے کے سلسلے میں زبردست کامیاب ثابت ہوئے۔ ان کھیلوں نے غیر ملکی تماشائیوں کیلئے جرمنی کو ایک پر امن اور برداشت والے ملک کے طور پر پیش کیا۔ یہاں ہٹلر رسمی طور پر 1936 کے سرمائیِ اولمپک کھیلوں کا برلن میں افتتاح کررہا ہے۔ اولمپک کھیلوں کی نئی رسم کے افتتاح کے طور پر ایک اکیلا ایتھلیٹ اولمپیا یونان میں قدیمی کھیلوں کے جائے مقام سے ایک مشعل لئے دوڑتا ہوا آتا ہے۔
جرمن فوجیں ستمبر 1939 میں وارسا میں داخل ہوئیں۔ اگلے ماہ، اُنہوں نے شہر میں ایک یہودی کونسل یعنی جیوڈین ریٹ کی تشکیل کا حکم دیا۔ اس کی سربراہی کیلئے اُنہوں نے ایڈم زرنیاکوف کا انتخاب کیا جو وارسا کی پرانی یہودی کمیونٹی کونسل کے ایک رکن تھے۔ یہاں، جرمن نیوز ریلز کیلئے، ایک جرمن پراپیگنڈا کمپنی نے زرنیاکوف اور یہودی بستی کے درخواست گذاروں کے درمیان ایک ملاقات کا اہتمام کیا۔جرمنوں کو توقع تھی کہ زرنیاکوف جرمن احکام پر عملدرآمد کو یقینی بنائیں گے جن میں جبری مشقت کی مانگیں اور یہودیوں کی زیر ملکیت جائیدادوں کی ضبطی بھی شامل تھی۔ زرنیاکوف نے خود کوشش کی کہ جرمن اقدامات کو کسی قدر نرم کیا جا سکے، خوراک کیلئے باورچی خانے، ورکشاپیں اور پیشہ ورانہ اسکول قائم کئے جا سکیں۔ اُنہوں نے مسلسل بہتر حالات فراہم کرنے پر زور دیا۔ اُنہوں نے جلاوطنیوں کیلئے یہودیوں کی پکڑ دھکڑ سے متعلق جرمن مطالبات پر عملدرآمد کی بجائے جولائی 1942 میں خود کشی کر لی۔
نازیوں کے ظلم و ستم کے بارے میں بڑھتی ہوئی بین الاقوامی آگاہی کے رد عمل کے طور پر نازیوں نے ریڈکراس کی تحقیقاتی کمیٹی کو چیکوسلواکیہ میں تھیریسئن شٹٹ کا دورہ کرنے کی اجازت دے دی۔ گھیٹو کے حالات کو چھپانے اور یہ ثابت کرنے کیلئے کہ سب کچھ نارمل ہے، وسیع پیمانے پر اقدامات کئے گئے۔ اس فوٹیج میں ایک جعلی کارکردگی دکھائی گئی ہے۔ یہ اس جرمن پراپیگنڈا فلم کا حصہ ہے جو ریڈکراس کے تھیریسئن شٹٹ کے دورے کے موقع پر بنائی گئی تھی۔
We would like to thank Crown Family Philanthropies and the Abe and Ida Cooper Foundation for supporting the ongoing work to create content and resources for the Holocaust Encyclopedia. View the list of all donors.