یورپی جنگی جرائم کے بڑے مقدمات، 1943-1947

جرمنی کے مقام نیورمبرگ میں بین الاقوامی فوجی عدالت (آئی ایم ٹی) کے سامنے کلیدی جرمن حکام کے مقدمے پیش کئے گئے۔ آئی ایم ٹی میں برطانیہ، فرانس، سوویت یونین اور امریکہ کے جج شامل تھے۔ تاہم 1945 کے بعد چلائے گئے جنگی جرائم کے مقدمات کی بڑی اکثریت چھوٹی سطح کے اہلکاروں اور افسروں سے متعلق تھی۔ ان میں حراستی کیمپوں کے محافظ اور کمانڈنٹ، پولیس افسر، گشتی قاتل اسکواڈز کے ارکان اور وہ ڈاکٹر شامل ہیں جنہوں نے طبی تجربات میں حصہ لیا۔ ان جنگی مجرمان پر مقدمات مقبوضہ جرمنی اور آسٹریہ کے برطانوی، امریکی، فرانسیسی اور سوویت زونز، اور اٹلی میں قائم فوجی عدالتوں میں چلائے گئے۔ دیگر مجرموں کے مقدمات اُن ممالک کی عدالتوں میں چلائے گئے جہاں اُنہوں نے جرائم کا ارتکاب کیا تھا۔ بہت سے جنگی مجرموں پر کبھی بھی مقدمات نہیں چلائے گئے یا اُنہیں کبھی بھی سزا نہیں دی گئی۔