منتخب مواد
ٹیگ
اپنی دلچسپی کے موضوع تلاش کریں اور ان سے متعلق مواد کیلئے انسائیکلوپیڈیا میں ریسرچ کریں
تمام شناختی کارڈ
ہولوکاسٹ کے دوران ذاتی تجربات کے بارے میں مزید جاننے کیلئے شناختی کارڈ تلاش کریں
طلبا کے لئے تعلیمی ویب سائٹ
موضوعات کے مطابق ترتیب دیا گیا اس معلوماتی ویب سائیٹ میں تاریخی تصاویر، نقشوں، نمونوں، دستاویزات اور شہادت پر مبنی کلپس کے ذریعے ہولوکاسٹ کی عمومی صورت حال پیش کی گئی ہے۔
خاکے
تصاویر دیکھئیے اور ان خاکوں کے ذریعے انسائیکلوپیڈیا کا مواد تلاش کیجئیے
ضرور پڑھیں
:
برلن جرمنی میں نازی جرمنی، فسطائی اٹلی اور امپیریل جاپان کے حکام نے دس سال کے سہہ فریقی معاہدے (تین طاقتوں کے معاہدے) پر دستخط کئے جو ایک فوجی اتحاد تھا۔ اس معاہدے نے دوسری عالمی جنگ شروع کرنے کیلئے ان تین ممالک (حلیف طاقتوں) کے درمیان تعاون کو یقینی بنا دیا۔ یہ فوٹیچ "نازی پلان" کی فلم سے لیا گیا ہے جو امریکہ نے نیورمبرگ مقدموں کی کاروائیوں میں بنائی اور استعمال کی۔
یہودیوں کو بلغاریہ کے مقبوضہ مقدونیہ میں کوالا، سیریس اور ڈراما سے جلاوطن کیا جاتا تھا۔ تقریبا 3،000 یہودیوں کو ڈراما لے جایا گا اور اُنہیں بھوکا پیاسا ریل گاڑیوں میں سوار کر دیا گیا۔ بعد میں یہودیوں کو شاید ڈینیوب دریا پر بلغاریہ کی بندرگاہ لوم لے جایا گیا جہاں سے انہیں ویانا جانے والے بحری جہازوں پر سوار کیا گيا۔ وہاں سے نازیوں نے انہیں ٹریبلنکا کے قتل کے مرکز کی طرف جلا وطن کردیا۔
رومانیہ کی حکومت نازی جرمنی کی اتحادی تھی مگر عام طور پر اس نے رومانیہ کے یہودیوں کو جرمن مقبوضہ علاقے میں جلاوطن نہیں کیا۔ اس کے بجائے رومانیہ نے منظم طریقے سے بیساریبیا اور شمالی بوکووینا کے یہودیوں کو بڑے پیمانے پر رومانیہ کے مقبوضہ یوکرین کے علاقوں میں جلا وطن کردیا۔ یہاں بالٹی کے بیساریبیا شہر سے یہودیوں کو جلا وطن کرنے کے دوران جمع کیا گیا۔ مئی، 1942ء کے اواخر تک رومانیہ کی سکیورٹی فورسز نے اس علاقے میں موجودہ بیشتر یہودیوں کو ہلاک کر دیا تھا یا جلاوطن کردیا تھا۔ پورے بیساریبیا میں صرف 200 یہودی باقی رہ گئے تھے۔
مارشل آین اینٹونیسکو 1940ء سے 1944ء تک رومانیہ کے حاکم رہے۔ سٹالن گراڈ میں جرمن فوجیوں کی شکست کے بعد، ہٹلر کو جرمنی کے بعض حلیف ممالک پر شبہہ ہوا کہ وہ علیحدہ امن مذاکرات کرنے کا ارادہ رکھتے ہیں۔ جرمن کے اس تصویری خبر نامے کے فوٹیج میں اینٹونیسکو کی برک ڈسگاڈین، جرمنی میں ہٹلر سے ملاقات بنیادی طور پر ہٹلر کو یہ اطمینان دلانے کیلئے تھی کہ رومانیہ جرمنی کی جنگ میں اس کا ساتھ دینے کے عہد پر قائم ہے۔ اس ملاقات کے ایک سال بعد رومانیہ کے بادشاہ مائیکل نے اینٹونیسکو کو گرفتار کرلیا اور اگست 1944ء میں سوویت یونین کے ساتھ التوائے جنگ کے معاہدے پر دستخط کر دئے۔
اینٹی پاولیک کروشیائی فاشسٹ رہنما تھے جنہوں نے 1941ء سے 1945ء تک کروشیا میں جرمن حلیف حکومت کی سربراہی کی۔ جرمنی کی اس نیوز ریل میں پاولیک کو اپنے مداحوں کی بھیڑ میں چلتے اور اپنی یونٹوں کا معائنہ کرتے ہوئے دکھایا گیا ہے۔ پاولیک کے افتدار میں کروشیائی حکومت نے لاکھوں سربوں، یہودیوں، اور روما (خانہ بدوشوں) کو ہلاک کردیا۔ جنگ کے بعد پاولیک ارجنٹینا فرار ہو گئے۔ وہ 1959 میں اُن زخموں کے باعث انتقال کر گئے جو دو سال قبل ایک قاتلانہ حملے میں لگے تھے۔
جرمنی کے اس تصویری خبر نامے کے فوٹیج میں نارویجین سیم لنگ فاشسٹ پارٹی کے سربراہ ویڈ کُن کوئسلنگ اپنی فوجوں کا معائنہ کرتے ہوئے نظر آ رہے ہیں۔ کوئسلنگ نے جنگ کے دوران ناروے میں نازیوں کی حامی کٹھ پتلی حکومت کی قیادت کی۔
We would like to thank Crown Family Philanthropies and the Abe and Ida Cooper Foundation for supporting the ongoing work to create content and resources for the Holocaust Encyclopedia. View the list of all donors.