منتخب مواد
ٹیگ
اپنی دلچسپی کے موضوع تلاش کریں اور ان سے متعلق مواد کیلئے انسائیکلوپیڈیا میں ریسرچ کریں
تمام شناختی کارڈ
ہولوکاسٹ کے دوران ذاتی تجربات کے بارے میں مزید جاننے کیلئے شناختی کارڈ تلاش کریں
طلبا کے لئے تعلیمی ویب سائٹ
موضوعات کے مطابق ترتیب دیا گیا اس معلوماتی ویب سائیٹ میں تاریخی تصاویر، نقشوں، نمونوں، دستاویزات اور شہادت پر مبنی کلپس کے ذریعے ہولوکاسٹ کی عمومی صورت حال پیش کی گئی ہے۔
خاکے
تصاویر دیکھئیے اور ان خاکوں کے ذریعے انسائیکلوپیڈیا کا مواد تلاش کیجئیے
ضرور پڑھیں
:
ایڈولف ہٹلر جنوری سن 1933 میں جرمنی کا چانسلر بنا۔ اس کے فوری بعد نازیوں کے مخالفوں پر دہشت گرد کارروائیاں شروع ہو گئیں۔ ان کارروائیوں میں یہودی بڑے ہدف تھے۔ بہت سے یہودیوں کو سر عام رسوا کیا گیا یا اُنہیں گرفتار کیا گیا جبکہ دوسروں کو اپنے عہدے چھوڑ دینے پر مجبور کر دیا گیا۔ یہودی مخالف اقدامات اس وقت عروج پر پہنچ گئے جب یکم اپریل 1933 کو یہودیوں کے زیر ملکیت کاروباروں کا بائیکاٹ شروع کر دیا گیا۔ اس فوٹیج میں شکاگو میں یہودیوں کی طرف سے نازیوں کے خلاف نکالے گئے مارچ کو دکھایا گیا ہے۔
امریکہ میں امریکی یہودی کانگریس ان پہلی جماعتوں میں سے ایک تھی جس نے نازیوں کی مخالفت کی۔ اس نے ہٹلر کے اقتدار حاصل کرنے کے فوری بعد مارچ 1933 میں ایک اجتماعی ریلی نکالی۔ اُس نے جنگ کے تمامتر عرصے کے دوران احتجاجی ریلیاں نکالنے کا سلسلہ جاری رکھا۔ امریکن یہودی کونسل نے نازیوں کے خلاف اس مارچ کا اہتمام لوئر مین ھیٹن میں کیا۔ اس مارچ کے وقت جرمنی میں کتابوں کو جلائے جانے کے اقدامات جاری تھے۔
9 نومبر، 1938 کو نازیوں نے یہودیوں کے خلاف ملکی سطح پر پوگروم یعنی منظم قتل عام کا سلسلہ شروع کیا۔ اس منظم قتل عام کے دوران، جسے کرسٹل ناخٹ یعنی ٹوٹے ہوئے شیشوں کی رات کے نام سے جانا جاتا ہے، حملہ آ ور فوجیوں کے دستوں (ایس اے) نے یہودیوں کے زیرِ ملکیت ہزاروں کاروباری مراکز اور سینکڑوں یہودی عبادت گاہوں کو تباہ کردیا۔ اس دوران تقریبا 100 یہودیوں کو قتل کردیا گيا۔ اس فوٹیج میں نیویارک میں ایک احتجاجی ریلی کا منظردکھایا گیا ہے۔ یہودی ربی اسٹیفن ایس وائز نے امریکہ میں یہودی برادری کی طرف سے سخت غم و غصے کا اظہار کیا۔ اس تشدد کے خلاف سرکاری سطح پر امریکی احتجاج کے ایک حصے کے طور پر صدر فرینکلن ڈی روزویلٹ نے جرمنی سے اپنے سفیر کو واپس بلا لیا۔
ریاستہائے متحدہ امریکہ میں طاقتور علیحدگی پسند رجحانات کے باوجود صدر روزویلٹ نے جمہوری ملک برطانیہ کی مدد کرنے کا فیصلہ کیا تاکہ وہ نازی جرمنی کے خلاف جنگ کو جاری رکھے۔ باوجود اس بات کے کہ انھوں نے امریکہ کو یورپی جنگ میں غیر جانبدار رکھنے کے عظم کا اظہار کیا تھا، روزویلٹ نے فوجی تیاری کو تیز کرنے کا حکم دیا اور جیسا کہ اس فوٹیج میں دکھایا گیا ہے اُنہوں نےعہد کیا کہ امریکہ "جمہوریت کے لئے ایک عظیم ہتھیار" ثابت ہو گا۔ مارچ 1941 میں کانگریس نے برطانیہ کی مدد کیلئے قرضے اور لیز پر سرمایہ فراہم کرنے کی منظوری دی۔ بالآخر برطانیہ نے امریکہ سے فوج تعاون کے شعبے میں 31 بلین ڈالر سے زیادہ کی امداد حاصل کی۔ امریکہ دوسری جنگ عظیم میں اس وقت شریک ہوگیا جب جاپان نے اچانک 7 دسمبر،1941 کو پرل ھاربر پر حملہ کردیا۔
اس تقریر کا حصہ جس میں صدر فرینکلن ڈی روزویلٹ نے جاپان کی طرف سے گذشتہ روز کئے جانے والے پرل ھاربر پر حملے کے بعد امریکی کانگریس سے جاپان کے خلاف اعلان جنگ کرنے کے لئے کہا۔
جب نازیوں کے ہاتھوں یہودیوں کے قتل عام کی خبریں امریکہ پہنچیں تو یہودیوں کی مدد کرنے کیلئے روزویلٹ انتظامیہ پر زبردست دباؤ پڑا۔ عمل کو تحریک دینے کیلئے ڈرامہ نگار بین ھیچٹ نے یہودیوں کے ظلم و ستم کا شکار بننے والے یہودیوں کے حوالے سے ایک یادگار ڈرامہ تیار کیا، "ہم کبھی نہیں مریں گے۔" یہ جلوس جس کا اہتمام صہیونی رویژنسٹ برگسن گروپ نے کیا تھا، نیویارک کے میڈیسن اسکوائر گارڈن میں اجتماعی مظاہرے کا ایک حصہ تھا۔ بعد میں یہ پروگرام امریکہ کے دوسرے شہروں میں بھی ہوا۔ یہ شو برگسن گروپ کی اُن کوششوں کا ایک حصہ تھا جس کے ذریعے واشنگٹن پر دباؤ ڈالا جا رہا تھا کہ وہ یورپ میں بچے ہوئے مظلوم یہویوں کو بجانے کیلئے مناسب اور حتمی قدم اٹھائے۔
We would like to thank Crown Family Philanthropies and the Abe and Ida Cooper Foundation for supporting the ongoing work to create content and resources for the Holocaust Encyclopedia. View the list of all donors.