روزویلٹ برطانیہ کیلئے امداد کا اعلان کرتے ہیں۔

اگر برطانیہ جنگ ہار جاتا تو حلیف قوتیں یورپ، ایشیاء،افریقہ اور آسٹرلیشیاء کے براعظموں کے علاوہ بڑے سمندروں پر قابض ہوجاتیں۔ اور یوں وہ ایک ایسی جگہ حاصل کرنے میں کامیاب ہوجاتے جہاں سے وہ دنیا کے اس خطے کے خلاف فوجی اور بحری وسائل اکٹھا کر لیتے۔ یہ کہنے میں کوئي مبالغہ نہیں کہ ایسی صورت میں امریکہ میں رہنے والے ہم سب لوگ بندوق کی نوک پر جی رہے ہوتے۔ اب ہم یہ جانتے ہیں کہ صرف مکمل طور پر ہتھیار ڈال دینے کی صورت میں ہی نازیوں کے ساتھ کسی ملک کو امن و سلامتی نصیب ہوسکتی تھی۔ یورپی لوگ جو اپنا دفاع کررہے ہیں وہ ہم سے اپنی جنگ لڑنے کو نہیں کہہ رہے ہیں۔ بلکہ وہ جہازوں، ٹینکوں، بندوقوں اور مال بردار جہازوں جیسے جنگی ساز و سامان کا تقاضا کر ہے ہیں جن کی وجہ سے وہ اپنی آزادی اور ہماری سلامتی کیلئے لڑ سکیں۔ ہم سے امریکہ کی کسی مہم جو فوج کو امریکی سرحدوں سے باہر بھیجنے کا کوئی مطالبہ نہیں کیا گیا ہے۔ آپ کی حکومت کے کسی بھی رکن کی جانب سے ایسا کوئی بھی ارادہ نہیں ہے کہ اس جیسی کوئی فوج بھیجی جائے۔ ہمیں جمہوریت کا سب سے بڑا ہتھیار ہونا چاہیئے۔ یہ ہمارے لئے جنگ کی ہولناکی جیسی ہی ہنگامی صورتحال ہے۔