ہمارا قصبہ جل رہا ہے

بھائیو! یہ جل رہا ہے! یہ جل رہا ہے!
اوہ! ہمارا بیچارہ گاؤں، بھائیو، جل رہا ہے!
شیطانی ہوائیں غصہ سے بھری ہوئی ہیں،
سخت غصہ اور تبائی و بربادی، پاش پاش کر دینے والی؛
طاقتور شعلے اب مذید سخت ہوتے جا رہے ہیں--
اب چاروں طرف آگ لگی ہوئی ہے!
اور تم وہاں کھڑے ہوئے نظارہ کر رہے ہو
چپ چاپ ہاتھ پر ہاتھ دھرے
اور تم وہاں کھڑے ہوئے دیکھ رہے ہو--
جبکہ ہمارا گاؤں جل رہا ہے!

بھائیو! یہ جل رہا ہے، یہ جل رہا ہے
اوہ! ہمارا بیچارہ گاؤں، بھائیو، جل رہا ہے،
جلد ہی آگ کے جنونی شعلے
سارے گھروں کو نیست و نابود کر دیں گے
کیونکہ پاگل ہوائیں تیز تر ہوتی جا رہی ہیں--
پورا شہر شعلوں کی لپیٹ میں ہے!
اور تم وہاں کھڑے ہوئے نظارہ کر رہے ہو
چپ چاپ ہاتھ پر ہاتھ دھرے،
اور تم وہاں کھڑے دیکھ رہے ہو--
جب کہ ہمارا گاؤں جل رہا ہے!

بھائیو! یہ جل رہا ہے، ہمارا گاؤں جل رہا ہے
اوہ، خدا نہ کرے کہ وہ لمحہ آئے،
کہ ہمارا گاؤں، ہمارے ساتھ اکٹھے،
راکھ اور آگ کی نذر ہو جائے،
وہ تب ختم ہو جب قتل عام کا خاتمہ ہو جائے
دھوئیں کی سیاہی سے آلودہ خالی دیواریں!
اور تم وہاں کھڑے یہ تماشہ دیکھتے رہو
ہاتھ پر ہاتھ دھرے،
اور تم وہاں کھڑے رہ کر نظارہ کرو--
جب ہمارا گاؤں جل رہا ہو!

بھائیو! یہ جل رہا ہے، ہمارا گاؤں جل رہا ہے!
اور ہماری نجات صرف تمہارے ذریعے ہی ممکن ہے
اگر ہمارا گاؤں واقعی تمہیں عزیز ہے،
تو پانی کی بالٹی اُٹھاؤ اور آگ بجھا دو!
تو د کھا دو کہ تم یہ کیسے کر سکتے ہو!
میرے بھائیو، وہاں کھڑے ہو کر تماشہ مت دیکھو،
ہاتھ پر ہاتھ دھرے مت بیٹھو،
میرے بھائیو، وہاں کھڑے مت رہو، آگ کو بجھا دو!--
ہمارا بیچارہ گاؤں جل رہا ہے!