ابراھیم لیونٹ موت سے آزادی کے بعد کے لمحات کی تفصیل بتاتے ہیں

مجھے یاد ہے کہ میں نیچے لیٹا ہوا تھا۔ یہ شخص کہہ رہا ہے " میرے خدایا۔ یہ کیسا منظر ہے"۔ [روتے ہوئے]۔ ایک منظر۔ انھوں نے لوگوں کو پکڑنا شروع کیا۔ انھوں نے لوگوں کو ایک ایک کرکے پکڑ لیا۔ ان میں سے اکثر لوگ مرے ہوئے تھے کیوں کہ وہ نہیں کرسکے۔۔۔اور۔۔۔ جو باقی زندہ بچے ہوئے تھے ان کو ان لوگوں نے ٹرکوں اور گاڑیوں میں لادا اور ان کو یہ لوگ ہسپتال لے گئے یا خیمے لگا کر اس میں ان کو رکھ دیا۔ انھوں نے ان کو پانی پلایا۔ ان لوگوں نے انھیں ریڈ کراس کی جانب سے کھانے کے پیکٹ دئے۔ اور یہ تو اور بھی برا تھا کیوں کہ ان بھوکے لوگوں کو جب یہ پیکٹ ملے تواُن میں دودھ کا پوڈر، چاکلیٹ، گوشت کے کین وغیرہ ہی تھے۔ یہ لوگ سخت بھوکے تھے لہذا بغیر کسی پرواہ کے ان لوگوں نے یہ سب کھا لیا۔ یوں سینکڑوں لوگ یہ کھانا کھانے سے مر گئے کیونکہ اُن کے معدے ایسے کھانے کے عادی نہیں تھے۔ میرے ساتھ ایک شخص تھا۔ میں نہیں جانتا کہ آیا وہ کبھی ڈاکٹر وغیرہ تھا--وہ بھی ادھ موا پڑا تھا۔۔۔ جب اسے یہ کھانے کا پیکٹ ملا، میں سمجھتا ہوں کہ وہ ہنگیرین یا رومانین تھا، اس نے مجھ سے کہا "کچھ مت کھاؤ۔ کچھ بھی مت کھاؤ۔ اگر تم نے کچھ بھی کھایا تو مر جاؤ گے۔ اگر کوئی چیز تم لے سکتے ہو تو وہ یہ ہے کہ اگر تمہارے پاس شکر ہے تو اس کو تھوڑا سا منھ میں رکھ کر چوستے رہو۔ یہ ایک واحد چیز ہے جو تمہیں کرنی چاہیئے" اس نے کہا "باقی چیزیں پھینک دو۔ لیکن اگر تم یہ رکھنا چاہتے ہو تو رکھ لو مگر اس میں سے کوئی بھی چیز مت کھانا۔ دودھ کو تو چکھنا نہیں۔ چاکلیٹ مت کھانا۔ گوشت بھی مت کھانا -- کیوں کہ وہ لوگ تمہیں سپام گوشت کا کین دیا کرتے تھے--اس کو مت کھانا کیوں کہ اگر تم نے اس کو کھا لیا تو تم مرجاؤ گے۔" اور ایسے ہی ہوا جیسا کہ اس نے کہا تھا۔ وہ لوگ جنھوں نے ان چیزوں کو کھایا انھیں ڈائریا ہوگیا اور وہ مرگئے۔