ایستھر راب سوبی بور میں قیدیوں سے بھری گاڑیوں کی آمد کا حال بتاتی ہیں

عام طور پر اکثر انسان بردار گاڑیاں رات کے وقت آیا کرتی تھیں لیکن ان میں سے بعض دن کے وقت بھی آتی تھیں۔ جب آپ کیمپ کے کمانڈر کی سیٹی کی آواز سنتے تو اس کا مطلب یہ ہوتا کہ گاڑی آرہی ہے اور اس کے بعد کیمپ میں موجود لوگ ان آنے والوں کو اتارنے کے لئے تیار ہوجاتے تھے۔ وہ سیٹی اس قدر خوفناک ہوتی کہ لگتا جیسے کوئی ہمارے اندر سب کچھ پھاڑ رہا ہے۔ آپ جانتے تھے کہ آنے والوں میں وہ لوگ تھے۔۔ بچے ، ضعیف العمر،عمردراز، وہ لوگ جنھوں نے اپنی زندگی میں کوئی غلط کام نہیں کیا تھا اور وہ لوگ یوں ختم ہو گئے۔ آپ کچھ کہہ نہیں سکتے تھے۔ کوئی مزاحمت نہیں کرسکتے۔ کچھ نہیں کرسکتے۔ اِس صورتِ حال میں آپ کے اندر انتقام کی آگ بھڑکتی تھی۔ غصہ آتا تھا۔ اور وہ درد۔ یہ سب کچھ ہمارے اندر بھرتا جا رہا تھا۔ بعض اوقات وہ لوگ دن کے وقت آتے اور کئی دفع ایسا ہوا کہ وہ لوگ اتنی بڑی تعداد میں آگئے کہ ان کیلئے ان لوگوں کو سنبھالنا مشکل ہوگیا۔ لہذا انھوں نے ان کو ہماری خار دار تاروں والی باڑ کے پیچھے رکھ دیا جس کے گھیرے میں ہم لوگ تھے۔ ہم سے کہا جاتا کہ ہم لوگ آگے پیچھے اور پیچھے آگے ہوجائیں۔ لہذا انھوں نے ان سے کہا کہ وہ لوگ جو کام کرنے جارہے ہیں وہ انھیں سچ محسوس ہونا چاہیئے۔ وہ بہت ہی سخت تھا، وہ بہت ہی سخت تھا۔ آپ اُن کے قریب سے گزرتے اور اُن کے چہروں کو دیکھتے۔ آپ جانتے تھے کہ آدھے گھنٹے میں وہ یہاں نہیں ہوں گے۔ لیکن آپ اُنہیں کچھ بتا بھی نہیں سکتے تھے۔ آپ کو اپنے چہرے کو بغیر مسکراہٹ کے اچھے سے اچھا بنا کر رکھنا ہوتا۔ یہ بہت ہی تکلیف دہ تھا۔ یہ بہت ہی سخت مرحلہ تھا۔