بیلا جاکوبوویچ ٹووے برجن بیلسن میں موجود صورت حال کی وضاحت کرتی ہیں

برجن۔بیلسن آشوٹز جیسا نہیں تھا۔ وہاں گیس چیمبر نہیں تھے۔ انھیں گیس چیمبرز کی ضرورت نہیں تھی، وہ واقعی موت کا کیمپ تھا۔ مجھے یاد ہے، ہم لوگوں کو ایک بڑی خالی بیرک میں لایا گیا۔ وہاں فرش پر صرف کچھ سوکھی گھاس تھی۔ ہمیں بیرک میں دھکیل دیا گیا تاکہ ہم پیر نہ پھیلا سکیں۔ ہم لوگ اپنے گھٹنوں کے بل یوں بیٹھے تھے کہ گھٹنے ٹھوڑی سے لگ رہے تھے۔ اور، اف، آپ اپنے پیر نہیں پھیلا سکتے تھے۔ وہاں سردی تھی اور ہم بھوکے تھے۔ میں آپ کو بتانا چاہتی ہوں کہ اس میں زیادہ وقت نہیں لگا اور ہم اپنے پیر پھیلا پائے، کیونکہ لوگ مر رہے تھے۔ تقریباً فوراً ہی ہمارے آس پاس لوگ مر رہے تھے۔ ہمیں مردہ لوگوں کو اٹھا کر باہر لے جانا تھا جہاں ہمیشہ لاشوں کا ڈھیر لگا ہوتا تھا۔ میں نے کئی لاشوں کو اٹھایا۔ میں نہیں جانتی میں کیسے یہ کام جاری رکھ سکی تھی۔ میں بتاتی ہوں لوگوں کے پاس اپنی حفاظت کے کچھ طریقے ہوتے ہیں۔ میں جانتی ہوں کہ میں نے کبھی بھی آنکھ اُٹھا کر چہروں کو نہیں دیکھا، بالکل نہیں دیکھا۔