ذاتی تاریخ

بلانکا روتھس چائلڈ بتاتی ہیں کہ یہودی بستی میں زندہ بچنے کیلئے مل کر رہنے اور دوستی کی کیا اہمیت تھی

بلانکا پولینڈ کے شہر لوڈز میں ایک مربوط خاندان کی اکیلی بچی تھی۔ اس کے والد کا 1937 میں انتقال ہوگيا۔ پولینڈ پر جرمن حملے کے بعد بلانکا اور اسکی ماں بلانکا کی دادی کے پاس لوڈز میں ہی رہیں کیونکہ اُس کی دادی سفر کرنے سے قاصر تھی۔ دوسرے رشتہ داروں کے ساتھ 1940 میں اُنہیں زبردستی لوڈز یہودی بستی میں پہنچا دیا گیا۔ وہاں بلانکا نے ایک بیکری میں کام کیا۔ بعد میں بلانکا اور اُس کی والدہ نے لوڈز یہودی بستی کے ایک ہسپتال میں کام کیا جہاں وہ 1944 کے آخر تک موجود رہیں اور پھر اُنہیں جرمنی میں ریونز بروئک کیمپ میں پہنچا دیا گیا۔ ریونزبروئک کیمپ سے بلانکا اور اُس کی والدہ کو سیخسین ہاؤسن کے ذیلی کیمپ بھجوا دیا گیا۔ بلانکا کو وہاں ایک ہوابازی کی فیکٹری (اراڈو۔ ورکے) میں کام کرنے پر مجبور کیا گیا۔ اُس کی والدہ کو کسی دوسرے کیمپ میں بھیج دیا گیا۔ سوویت فوجوں نے بلانکا کیمپ کو 1945 میں آزاد کرا لیا۔ بلانکا جو ایک ترک شدہ گھر میں رہ رہی تھی واپس لوڈز لوٹ آئی۔ وہاں اُسے معلوم ہوا کہ اُس کی والدہ سمیت کوئی بھی رشتہ دار زندہ نہیں بچا۔ بالآخر بلانکا مغرب کی جانب برلن میں بے دخل ہونے والے افراد کے ایک کیمپ میں پہنچ گئی۔ وہ 1947 میں ترک وطن کر کے امریکہ چلی آئی۔

مکمل نقل

جب ہم اُس وقت کام کرنے کے لئے بستی میں جاتے جب پوری بستی خالی ہوتی تو یہ بہت ہی عجیب و غریب احساس ہوتا۔ خالی سڑکیں، کھلی کھڑکیاں، کھڑکی سے باہر لٹکے ہوئے ہوا میں پھڑپھڑاتے پردے۔ انسان کا نام و نشان نہیں ہوتا تھا۔ ایک بار ہمیں خیال ہوا کہ ہم نے کھڑکی میں کسی شخص کی جھلک دیکھی ہے یا کسی موم بتی یا کسی بھی چیز کی پرچھائیں تو ہم فورا اپنی نظریں ہٹا لیتے تاکہ جرمن حفاظتی دستہ محسوس نہ کرے کہ وہاں کوئی تھا۔ نومبر1944 میں ہمارا وقت آگيا اور ہمیں باہر نکال دیا گيا۔ ہمارے ہسپتال کے سارے لوگوں کو جانوروں کی گاڑیوں تک لے جایا گيا اور ہم سب کو سوار کرا دیا گيا۔ یہ بہت ہی خطرناک صورت حال تھی کیونکہ لوگوں کو کھڑی حالت میں جانا تھا۔ وہاں بیٹھنے کے لئے کوئی جگہ نہیں تھی۔ اگر کوئی شخص بیمار تھا یا مر رہا تھا تو وہ اسی طرح کھڑے کھڑے اپنے ہی قدموں میں گر کر مرگيا۔ یہ ناقابل برداشت تھا۔ پانی خراب تھا۔۔۔ پانی کی کمی تھی، اور شدت کی پیاس۔


ٹیگ


  • US Holocaust Memorial Museum Collection
آرکائیوز کی تفصیلات دیکھیں

شیئر کریں

Thank you for supporting our work

We would like to thank The Crown and Goodman Family and the Abe and Ida Cooper Foundation for supporting the ongoing work to create content and resources for the Holocaust Encyclopedia. View the list of all donors.