اسٹیون اسپرنگ فیلڈ شٹٹہاف کیمپ سسٹم (برگ گریبن کیمپ) سے 1945 کے موت مارچ کا حال بیان کرتے ہیں

حکم موصول ہوا کہ ہمیں نکالا جا رہا ہے کیونکہ روسی قریب تر آتے جا رہے ہیں۔ یہ 1944-45 میں سردی کا موسم تھا اور بہت بہت۔۔۔سردی تھی۔ ہمیں جرمنی کے مضافاتی علاقے میں پیدل لے جایا گیا۔ بہت سردی تھی اور برف بھی تھی۔ میرا بھائی مشکل سے ہی چل پا رہا تھا۔ میں اس کو جتنا سہارا دے سکتا تھا، میں نے دیا۔ اس کی حالت اتنی خراب ہو گئی کہ وہ مجھے چھوڑ دینے کیلئے کہہ رہا تھا۔ "ایسا مت کرو"، اس نے کہا۔ "مجھے مرنے کے لئے چھوڑ دو۔ میں ایسا نہیں کر سکتا۔ میں اس سے زیادہ نہیں کر سکتا ہوں۔ میں۔۔۔میں مرنا چاہتا ہوں۔ مجھے یہاں چھوڑ دو۔ لکن یہ تو واضح تھا کہ جس وقت میں اسے چھوڑتا، اس کو وہیں پر گولی مار دی جاتی۔ کوئی بھی شخص جو مارچ کے ساتھ نہیں رہ سکتا تھا، اسے گولی مار دی جاتی تھی۔ آپ سڑک پر چلتے ہوئے ہر جگہ لاشیں دیکھ سکتے تھے۔ یہ واقعی ایک موت کا مارچ تھا۔ میں ہار مان نہیں سکتا تھا۔ میں اپنے بھائی کو چھوڑ نہیں سکتا تھا۔ میں نے اسے اٹھایا۔ میں نے اسے کھینچا۔ میں اس کے ساتھ بات کرتا رہا۔ میں کہتا" ہم آزادی سے دور نہیں ہیں۔ تم اب مایوس نہ ہو۔ تم اب مایوس نہیں ہو سکتے ہو!" کسی بھی طریقہ سے میں اس کو اگلے کیمپ تک کھینچنے میں کامیاب ہو گیا جو مشرقی پومیرانیہ میں گوٹینڈورف نامی کوئی جگہ تھی۔