میڈلین ڈیوٹش اپنے جنگ کے بعد کے تجربات بیان کرتی ہیں

میں 18 سال کی تھی لیکن درحقیقت میں 13 سال کی تھی کیونکہ ان برسوں میں کچھ بھی نہیں تھا۔ وہ سال میری زندگی سے مِٹ چکے تھے۔ یوں میں 18 سالہ جسم میں 13 سال کی عمر کی لڑکی تھی اور میں کچھ بھی نہیں جانتی تھی۔ میں ایک ڈری سہمی سی لڑکی تھی۔ میں اپنے خاندان کے قریبی لوگوں مثلاً میری خالہ، میرے بہنوئی اور ان کے اکلوتے بچے کے علاوہ کسی سے بات چیت نہیں کرسکتی تھی اور پھر جب ہم نیویارک گئے تو میں اپنی والدہ کی چچی اور انکے بچوں سے بات چیت کرتی تھی۔ میں خوف کی وجہ سے باہر سڑک پر نہیں جا سکتی تھی۔ میں شدید خوفزدہ تھی۔ مجھے ڈر تھا کہ نازی اب بھی وہاں باہر موجود ہوں گے۔ مجھے سالہا سال تک ڈراؤنے خواب آتے رہے۔ کئي سالوں تک ہر چیز میرے ذھن میں باقی رہی۔ آشوٹزکیمپ کا سفر۔۔۔ قتل، ریل گاڑی سے مرے ہوئے لوگوں کو لے جانا، مار پیٹ۔۔ کتوں کا لوگوں پر چھوڑنا اور انکا لوگوں پر جھپٹنا، ان کو کاٹنا اور انکے ٹکڑے ٹکڑے کرنا وغیرہ ۔۔ میں ان سارے خيالات کے ساتھ زندہ رہی۔ سالہا سال تک۔ میں اب بھی ان یادوں کے ساتھ جی رہی ہوں لیکن اب مجھے وہ ڈراؤنے خواب کبھی کبھارہی آتے ہیں۔ مثال کے طور پر دوسرے دن مجھے وہ کچھ خوفناک خواب دکھائي دیتے ہیں۔ لیکن یہ سالہا سال چلتا رہا اور یہ انتہائی خطرناک تھا۔