روتھ موزر بورسوس ویسٹر بروک میں جبری مشقت کے دوران کام کی تقسیم کے بارے میں بتاتی ہیں

کیمپ میں ہمیں احمقانہ کاموں پر لگا دیا گيا۔ ہمیں ریت کو ایک جگہ سے دوسری جگہ رکھنا پڑتا تھا۔ یہ بالکل بے معنی تھا۔ لیکن ہمیں یہ کرنا تھا۔ جیسے جیسے وقت گزرتا گیا اُنہوں نے ہم پر مزید بہت سے کاموں کا بوجھ لاد دیا۔ مجھے ایک ایسی جگہ متعن کر دیا گیا جہاں ہمیں کپڑے سینے پڑتے تھے لیکن یہ کپڑے کس کے لئے تھے کہاں جاتے تھے مجھے اسکا کوئی اندازہ نہیں تھا۔ بس ہمیں کپڑا سینا تھا۔ دن بھر یہی کرنا پڑتا تھا۔ بعض اوقات ہم نے ہالینڈ کے ایک نازی کے فارم پر کام کیا۔ اس نے ہم سے خنزیر کی گندی جگہوں کو صاف کروایا۔ اس نے ہم سے فارم کے چاروں طرف صفائی سے لیکر متعدد کام کروائے۔ ہمیں آلوؤں کے کھیتوں میں بھی کام کرنا پڑا۔ ہم اُس کیلئے غلاموں کی طرح سب کچھ کرتے رہے۔ اسے کیمپ کے اِس قدر قریب ہونے اور ایک نازی ہونے کے ساتھ ساتھ جرمنوں کے ساتھ تعاون کرنے سے بہت مالی فائدہ ہوا۔ انعام کے طور پر وہ ہمیں صحن میں مرغیوں کے ساتھ بٹھا کر پانی جیسا پتلا سوپ پلا دیتا۔ وہ ہمارا دن بھرکا کھانا ہوتا تھا۔