امینویل ٹینے مئےچاؤ یہودی بستی کے قیام کے بارے میں بتاتے ہیں

ایک دن یہ اعلان ہوا کہ یہاں یہودی کوارٹر بنائے جائیں گے جنہیں یہودی بستی کے نام سے جانا جانے لگا۔ لیکن جرمن خاص طور پر جرمنی میں اس کو یہودی کوارٹر کہتے تھے۔ یہ آپ کو ایک ایسا احاطہ فراہم کرتی تھی جہاں یہودی رہ سکتے تھے، جو شہر کا ایک چھوٹا سا علاقہ تھا اور میں اس قصبے کی بات کررہا ہوں جہاں میں رہتا تھا۔ لیکن دوسرے قصبے بھی اس قصبے کی طرح ہی تھے۔ پولنڈ کے شہری جو اس علاقے میں رہتے تھے انھیں وہ علاقہ خالی کرنا پڑا۔ لیکن اس میں کوئی مسئلہ نہیں تھا کیونکہ یہ وہ علاقہ تھا جو اس سے وسیع تھا جو یہودیوں نے چھوڑا تھا۔ لہذا پولینڈ کے جن شہریوں کو یہودیوں کے علاقوں سے الگ کیا گیا اُنہیں کہیں بہتر جگہ فراہم کی گئی۔ لیکن دوسری طرف یہودیوں کیلئے ایسا نہیں کیا گیا۔ جو یہودی وہاں لائے گئے اُن کے کئی خاندانوں کو ایک ہی کمرے میں رکھا گیا۔ شاید شروع میں دو یا ایک خاندان کو ایک کمرے میں رکھا گیا کیونکہ یہ گھیٹو تھا، یہودی بستی یا قصبے کا ایک چھوٹا سا علاقہ جو مزید سکڑتا جا رہا تھا۔ لیکن شروع میں یہ کھلا تھا۔ لہذا آپ مخصوص اوقات کے دوران اندر باہر آ جا سکتے تھے۔ مثال کے چور پر کوئی یہودی سات بجے کے بعد باہر سڑک پر نظر نہیں آ سکتا تھا۔ لیکن دوسرے اوقات میں آپ باہر جا کر لوگوں سے مل سکتے تھے اور باہر وقت گزار سکتے تھے۔ ایک دن اعلان ہوا کہ یہودی بستی بند کر دی گئی ہے۔ پھو وہاں گیٹ اور دیواریں کھڑی کر دی گئیں۔ یوں اب آپ باہر نہیں جا سکتے تھے۔ لہذا آپ دیکھ سکتے ہیں وہاں یہودیوں پر کیسے ظلم و ستم توڑے جاتے تھے۔