مارٹن اسپیٹ ٹارنو میں یہودیوں کے قتل عام کا تذکرہ کرتے ہیں

ہم نے رات کے وقت جرمن پہرے داروں کے ماتحت یہودیوں کی قطاروں کو آتے ہوئے سنا۔ یہ مسلسل ہوتا رہا۔ وہ ہمارے گھر کے پاس سے گزرتے تھے کیونکہ ہمارا گھر شہر کے مضافات میں واقع تھا۔ وہ اُنہیں قبرستان کی طرف سے شہر کے عقب میں واقع جنگل کی طرف مارچ کراتے لے گئے۔ اور جیسا کہ ہمیں بعد میں معلوم ہوا، اُن سب کو وہاں گولی مار ہلاک کر دیا گیا۔ دن کے وقت میں انھیں جھرنوں میں سے دیکھا کرتا۔ میرے والد نے مجھ سے کہا کہ مجھے نہیں دیکھنا چاہیئے لیکن میں نہ مانتا کیونکہ میں ایک بچہ تھا اور جاننا چاہتا تھا۔ چھت سے دیکھتے ہوئے قبرستان اور لاشوں سے بھری ویگنیں آتی ہوئی دکھائی دیتی تھیں۔ وہ یہودیوں کو بھی گروپوں میں وہاں لا رہے تھے تاکہ وہ خندقیں کھودیں اور پھر لاشوں کو اُن میں ڈال دیں۔ جب وہ یہودی خندقیں کھود کر لاشوں کو دفن کر دیتے تو پھر اُنہیں بھی گولی مار دی جاتی اور مذید لوگوں کا گروپ آتا اور وہ اُنہیں بھی خندقوں میں پھینک دیتے۔ لاشوں کے اوپر چونا بکھیر دیا جاتا پھر مذید گروپ لائے جاتے جو اِن خندقوں کو بند کر کے نئی خندقیں کھودتے۔ وہ حاملہ خواتین کو بھی لے کر آئے اور وہ اُن پر گولی استعمال نہیں کرتے تھے بلکہ اُن کیلئے وہ چھرے استعمال کرتے تھے۔ ماؤں کی چیخیں ۔۔۔ اور وہ ماؤں کی گود میں بچوں کو چھرے سے کاٹ ڈالتے۔ میں بچوں کی چیخیں اب تک محسوس کر سکتی ہوں۔