جوزف مائیر نیورمبرگ میں ھرمین گوئرنگ کے بارے میں بتاتے ہیں

جیسا کہ میں پہلے کہہ چکا ہوں کہ صرف ایک شخص جس نے اپنے جرم کو موقع پر قبول کیا اور ان تمام احکام کی ذمہ داری قبول کی جن پر اس کے دستخط موجود تھے، وہ گوئرنگ تھا۔ لیکن وہ بھی ایک چھوٹے درجے کا اور ماتحت شخص تھا۔۔۔ اور اس کے ادنٰی ہونے سے متعلق معلومات موجود ہیں۔ اس کے ماتحت ہونے کی دلیل چار بڑوں کی طرف اسکا وہ اسلوب اور سلوک ہے جس کا ذکر پتا نہیں میں نے پہلے کیا ہے یا نہیں۔ حلیفوں میں سے سب سے کمزور ملک فرانس کیلئے اگر وہ حقارت آمیز نہیں تھا تو اُس کا رویہ برترانہ ضرور تھا۔ جہاں تک امریکیوں کا تعلق ہے اس نے ہمیں اس شخص کی طرح متاثر کرنے کی کوشش کی جو شدت کے ساتھ اپنا مؤقف پیش کرنے کی صلاحیت رکھتا ہو۔ وہ اُنہیں ھالی ووڈ فملوں کی طرح متاثر کرنے لگا۔ برطانوی لوگ جو بہت ہی محتاط، سرد مہر اور درست تھے، اس نے خود کو ایک معزز شخص کے طور پر پیش کیا اور یوں ظاہر کیا جیسے وہ برظانیہ کو قدر کی نگاہ سے دیکھتا تھا۔ لیکن جب وہ روسیوں کو دیکھتا تو جھرجھری لیتا۔ جب بھی کوئی روسی آفسر جواب دہی کے کمرے میں داخل ہوتا تو وہ جھرجھری لیتا اور قدرے عاجزی دکھاتا۔ وہ کوئی ایسا انداز نہیں جانتا جس سے وہ روسیوں کو متاثر کر سکے۔ جب بھی کوئی روسی جواب دہی کمرے میں داخل ہوتا وہ شدید طور پر خوف زدہ ہوجاتا۔