للی اپیل بام مالنک آشوٹز میں رجسٹریشن کے طریقہ کار کی وضاحت کرتی ہیں

اور اُنہوں نے کہا "اب تم اپنے نام پر جواب نہیں دو گی۔ تمہارا نام تمہارا نمبر ہے۔" اور جو پریشانی، مایوسی اور ہمت ٹوٹنے کا احساس مجھے ہوا وہ بیان سے باہر ہے۔ مجھے ایسا لگا جیسے اب میں انسان ہی نہیں ہوں۔ اُنہوں نے ہمارے سروں سے بال ہی اُتار دئے۔ مجھے بے حد شرمندگی ہوئی۔ اور جب اُنہوں نے ہمیں کپڑے اُتارنے اور نہانے کو کہا تو ایسے محسوس ہوا جیسے ہم جانور ہوں۔ مرد ہمارے اردگرد چل پھر اور ہنس رہے تھے اور ہمیں دیکھ رہے تھے۔ اور آپ اُس عمر کی ایک ایسی لڑکی کو جس نے کبھی بھی کسی کے سامنے کپڑے نہ اتارے ہوں، اُسے بلکل ننگا کر دیں۔ میں چاہتی تھی کہ زمین پھٹ جائے اور میں اُس میں سما جاؤں۔