ولیم (ویلیک) لکسنبرگ پولینڈ پر جرمن حملے کی پہلی رات کا حال بتاتے ہیں

پہلی رات سے ہی حالات بدلنا شروع ہو گئے۔ پہلی رات کے دوران شہر کے چاروں طرف تاریکی پھیل چکی تھی۔ اُنہوں نے پورے شہر میں کرفیو لگا رکھا تھا۔ اندھیرا ہونے کے بعد کوئی بھی شخص گھر سے باہر نہیں نکل سکتا تھا۔ میری پہلی یاد گار رات وہ تھی جب میرے پڑوس میں رہنے والے ایک نوجوان نے یہ سوچے بغیر سڑک پار کرنے کی کوشش کی کہ ایسا کرنے سے کرفیو کی خلاف ورزی ہو گی۔ ایک جرمن فوجی نے کہا "رُک جاؤ" لیکن وہ بھاگتا رہا۔ وہ سڑک پار کرتے ہوئے مشین گن کی گولیں کا نشانہ بن گیا۔ وہ ہمارے گھر کے عین سامنے گر پڑا۔ جرمنوں نے چلانا شروع کیا "ریوس" [اسے لے جاؤ]۔ مدد کیلئے پہنچنے والے تمام لوگ اُس کی لاش اُٹھا کر اندر لائے۔ اُنہوں نے مجھے اور چار دوسرے لوگوں کو لاش اُٹھا کر اندر لانے کیلئے کہا۔ چونکہ اُس پر مشین گن سے گولیوں کی بوچھاڑ کر دی گئی تھی، اُس کا جسم دو حصوں میں کٹ چکا تھا۔ جب میں اندر پہنچا تو مکمل طور پر خون میں لت ہت تھا۔ مجھے یاد ہے کہ جب میں اندر پہنچا تو میری والدہ نے مجھے خون میں مکمل طور پر لت پت دیکھا۔ یہ سب دیکھنا بہت ہی عجیب تھا۔ میں تمام تر خون میں نہایا ہوا تھا اور میں ہمیشہ اپنی والدہ کے تاثرات کو، اُن کے خوف کو اور اُن کے رونے کو یاد کرتا ہوں۔ یہ پہلی رات تھی اور پہلا تاثر جو دیکھنے کو ملا۔۔۔ ہم نہیں جانتے تھے کہ آگے کیا ہونے والا ہے۔ کل کیا ہونے والا ہے۔ وہ پہلی رات بہت ہی خوفناک تھی۔